Mike Tyson បំភ្លឺរឿងថា លោកព្រមវ៉ៃជាមួយតារា YouTube តម្លៃ​៤៨លានដុល្លារ

អតីត​កំពូល​អ្នក​ប្រដាល់​សកល​ទម្ងន់​ធ្ងន់ Mike Tyson បាន​ទម្លាយ​ភាព​ស្ងប់​ស្ងាត់​ជា​លើក​ដំបូង ចាប់​តាំង​ពី​មាន​ព័ត៌មាន​លេច​ឡើង​ពី​ការ​ផ្គូផ្គង​លោក​ឲ្យ​ប្រកួត​ជា​មួយ​តារា YouTube កីឡាករ Jake Paul។

លោក​ Mike Tyson បាន​ព្យាយាម​​ស្វែង​រក​ការ​បំភ្លឺ​អំពី​ពាក្យ​ចរចាម​អារ៉ាម​ពី​ការ​ប្រកួត​ដែល​តម្លៃ​៤៨​​លាន​ដុល្លារ​អាមេរិក​រវាង​លោក និង Jake Paul។ តាម​ព័ត៌មាន​លេច​ឡើង​កាល​ពី​យប់​ថ្ងៃ​ចន្ទ ទី​១៧ ខែ​មករា កន្លង​ទៅ​នេះ​ថា បុរស​វ័យ​ចំណាស់ និង​បុរស​វ័យ​ក្មេង​បាន​ឈាន​ដល់​កិច្ច​ព្រម​ព្រៀប​លើ​ការ​ប្រកួត​ដែលមាន​ទឹក​ប្រាក់​ច្រើន​លាន​ដុល្លារ​ហើយ បើ​ទោះ​ជា​គម្លាត​ខុស​គ្នា​ឆ្ងាយ​រវាង​អាយុ និង​បទ​ពិសោធ​ឡើង​សង្វៀន​ក៏​ដោយ។

លោក​ Mike Tyson

ព័ត៌មាន​បាន​បញ្ជាក់​ថា បុរស​កណ្តាប់​ដៃ​ដែល Mike អាយុ​៥៥​ឆ្នាំ​ដែល​ប្រកួត​សម្តែង​ចុង​ក្រោយ​កាល​ពី​ឆ្នាំ​២០២០ អាច​ប្រកួត​ជា​មួយ​តារា YouTube អាយុ​២៥​ឆ្នាំ​ដើម​ឆ្នាំ​នេះ។ លោក Tyson និង​ Paul បាន​ថត​រូប​ជា​មួយ​គ្នា​កាល​ពី​មុន ប៉ុន្តែ​មាន​ការ​ភ្ញាក់​ផ្អើល​ក្នុង​ចំណោម​អ្នក​គាំទ្រ​ប្រដាល់​សកល​នៅ​ពេលវា​ត្រូវ​បាន​គេ​លើក​ឡើង​​ថា ពួក​គាត់​ប្រកួត​គ្នា។

ឥឡូវ​នេះ អតីត​ស្តេច​ប្រដាល់​ទម្ងន់​យក្ស​បាន​បញ្ជាក់​ពី​ការ​ពិត​ក្នុង​ការ​ផុស​នៅ​លើ​បណ្តាញ​សង្គម​មួយ។ ឆ្លើយ​តប​ទៅ​នឹង​ព័ត៌មាន​​ថា លោក​បាន​ព្រម​ព្រៀង​ប្រកួត​ជា​មួយ Paul លោក Tyson បាន​និយាយ​ថា ៖«នេះ​គឺ​ថ្មី​ចំពោះ​ខ្ញុំ។ ខ្ញុំ​បាន​ឃើញ Jake នៅ​ St. Barths ហើយ​គាត់​មិន​និយាយ​រឿង​ហ្នឹង​ទេ»។

កាល​ពី​ខែ​ធ្នូ Jake បាន​និយាយ​ថា ៖«ពេល​ខ្ញុំ​អង្គុយ​ជា​មួយ​លោក Mike Tyson នៅ​លើ​​ផល​ខេស​របស់​លោក។ គាត់​ពិត​ជា​ឆ្លាត និង​ពូកែ ហើយ​អង្គុយ​ទល់​មុខ​ខ្ញុំ​ប្រហែល​ជា​២០​នាទី​​ដើម្បី​ផ្តល់​ចំណេះ​ដឹង»៕

តារា YouTube កីឡាករ Jake Paul

ប្រភព៖ dailystar

  • ភ្ជាប់ទំនាក់ទំនងជាមួយ SPORTREFRESH