រឿង​រ៉ាវ​​ខ្លះ​ៗ មុន​ Cambodian Premier League ដំណើរ​ការ​នា​ដើម​ខែ មីនា

រឿងរ៉ាវខ្លះៗ មុន Cambodian Premier League ដំណើរការនាដើមខែ មីនា

បាល់ទាត់ជាតិ

ពុធ ៩ កុម្ភៈ ២០២២

Cambodian Premier League និង Cambodian League 2 នឹងចាប់ផ្ដើមនៅថ្ងៃទី ៥ ខែ មីនា ខាងមុខ ស្របពេលក្លិបនីមួយៗបានរៀបចំក្រុមរបស់ខ្លួនហូរហែ។ ក្នុងនោះ ក្លិបមួយចំនួនចូលរួមប្រកួតពានមិត្តភាពត្រៀមរដូវកាលថ្មី និង នាំចូលកីឡាករបរទេសរបស់ខ្លួន។ មានរឿងខ្លះទៀតដែលត្រូវដឹងមុនលីគ២០២២ ចាប់ផ្ដើមដូចខាងក្រោម៖

១-នៅថ្ងៃទី ១០ កុម្ភៈ ចាប់ពីម៉ោង ៨:៣០ ព្រឹក មានកម្មវិធីសម្ពោធក្រុមហ៊ុន Cambodian Premier League (CPL) ជាផ្លូវការ និង ស្លាកសញ្ញាឡូហ្គោ (Logo) លីគ១ និងលីគ២ នៅឯសណ្ឋាគារ Emion Hotel រាជធានីភ្នំពេញ

២-បន្ទាប់ពីការសម្ពោធក្រុមហ៊ុន CPL ក៏មានការចាប់ឆ្នោតគូប្រកួត Cambodian Premier league និង Cambodia League 2 ផងដែរ

៣-អ្នកសារព័ត៌មានមួយចំនួន នឹងត្រូវបានអញ្ជើញឲ្យចូលរួមក្នុងកម្មវិធីសម្ពោធ និង ការចាប់ឆ្នោតនេះ។

CPL គឺជាប្រតិបត្តិករលីគបាល់ទាត់អាជីពផ្លូវការតែមួយគត់ក្នុងប្រទេសកម្ពុជា ដោយបានកាន់កាប់ដំបូងនៃលីគបាល់ទាត់អាជីពកម្ពុជាបន្ទាប់ពី CNCC ហើយឆ្នាំ ២០២២ នឹងប្រារព្ធខួបនៃការឈានជើងដល់វិស័យបាល់ទាត់អាជីពនៅកម្ពុជាមួយកម្រិតទៀត។

CPL សន្យាជាមួយអ្នកគាំទ្រកីឡាបាល់ទាត់អាជីពកម្ពុជាទាំងអស់ថា នឹងប្រឹងប្រែងឱ្យអស់ពីសមត្ថភាព ដើម្បីលើកកម្ពស់កម្រិតកីឡាបាល់ទាត់អាជីពកម្ពុជាឱ្យស្របតាមស្តង់ដារពិភពលោក និង សម្រេចបានជោគជ័យក្នុងការប្រកួតកីឡាស៊ីហ្គេមឆ្នាំ២០២៣។