លោក វ្ល៉ាឌីមៀ ពូទីន ត្រូវសមាគមតេក្វាន់ដូ​ពិភពលោកដក​ខ្សែក្រវាត់​ខ្មៅ​របស់​លោក​ជុំវិញ​ការ​ឈ្លានពាន​អ៊ុយក្រែន

ការលុកលុយរបស់លោក វ្ល៉ាឌីមៀ ពូទីន ទៅលើអ៊ុយក្រែន បានទាក់ទាញ​ការថ្កោលទោស​យ៉ាងខ្លាំង​ជុំវិញ​ពិភពលោក ពីមន្ត្រីថ្នាក់តូចទាប រហូតដល់សាជីវកម្ម និងសហគមន៍ធំៗ។ កាល​ពី​ថ្ងៃ​ចន្ទ សមាគមកីឡា​តេក្វាន់ដូ​ពិភពលោក​បាន​សម្រេច​ចិត្តបាន​ដកហូត​ខ្សែក្រវាត់​ខ្មៅ​របស់​លោក Putin។

សមាគមកីឡា​តេក្វាន់ដូពិភពលោក ដែលជាស្ថាប័នគ្រប់គ្រងលំដាប់អន្តរជាតិនៃកីឡានេះ បាននិយាយថា ការវាយប្រហាររបស់រុស្ស៊ីលើអ៊ុយក្រែន ប្រឆាំងនឹងចក្ខុវិស័យរបស់សមាគម “សន្តិភាពមានតម្លៃជាងជ័យជំនះ” ក៏ដូចជាតម្លៃនៃការគោរព និងការអត់ឱនផង​ដែរ”។

ស្ថាប័នគ្រប់គ្រងបាននិយាយថា៖ “ក្នុងន័យនេះ​តេក្វាន់ដូពិភពលោកបាន​សម្រេចចិត្ត​ដកខ្សែក្រវាត់​ខ្មៅ៩ដាន់ របស់លោក ដែលប្រគល់ជូនលោក វ្ល៉ាឌីមៀ ពូទីន កាលខែវិច្ឆិកា ឆ្នាំ២០១៣”។

លោក ពូទីន ស្ថិត​ក្នុង​ចំណោម​មនុស្ស​មួយ​ចំនួន​ដែល​ទទួល​បាន​ខ្សែក្រវាត់​កិត្តិយស។ អ្នក​កាន់​ខ្សែក្រវាត់​ខ្មៅ​៩ដាន់ ផ្សេងទៀត​រួមមាន​អតីត​ប្រធានាធិបតី​អាមេរិក លោក Barack Obama និង​ប្រធានាធិបតី​អ៊ូសបេគីស្ថាន Shavkat Mirziyoyev។

តេក្វាន់ដូពិភពលោកក៏បាននិយាយផងដែរថា ទង់ជាតិរុស្ស៊ី និងភ្លេងជាតិនឹងមិនត្រូវបានបង្ហាញ ឬ​លេងនៅក្នុងព្រឹត្តិការណ៍របស់ពួកគេឡើយ ហើយក៏មិនមានវត្តមានរបស់បេឡារុស្ស ដែលជា​សម្ព័ន្ធមិត្ត​ជិតស្និទ្ធរបស់រុស្ស៊ីដែរ។

អង្គភាពនេះបាននិយាយថា គ្មានព្រឹត្តិការណ៍តេក្វាន់ដូនឹងត្រូវបានរៀបចំ ឬទទួលស្គាល់នៅក្នុងប្រទេសទាំងពីរ​នាពេលនេះទេ។

“គំនិតរបស់តេក្វាន់ដូពិភពលោកគឺនៅជាមួយប្រជាជនអ៊ុយក្រែន ហើយយើងសង្ឃឹម​សម្រាប់​ការបញ្ចប់សង្រ្គាមនេះដោយសន្តិភាព និងភ្លាមៗ”។

កាលពីថ្ងៃអាទិត្យ លោក ពូទីន ក៏ត្រូវបានព្យួរតំណែងជាប្រធានកិត្តិយស​និងជាទូតសច្ឆន្ទៈ​នៃសហព័ន្ធយូដូ​អន្តរជាតិ​ផងដែរ។ លោក ពូទីន វ័យ ៦៩ឆ្នាំ ជាកីឡាករយូដូខ្សែក្រវ៉ាត់ខ្មៅ និងជាសហអ្នកនិពន្ធសៀវភៅមួយក្បាលដែលមានចំណងជើងថា “យូដូ៖ ប្រវត្តិសាស្ត្រ ទ្រឹស្តី ការអនុវត្ត”។

ពិភព​កីឡា​បាន​ក្លាយ​ជា​សំឡេង​ប្រឆាំងកាន់​តែ​ខ្លាំង​ឡើង​អំពី​ការ​លុកលុយ​របស់​រុស្ស៊ី​មក​លើ​អ៊ុយក្រែន​ក្នុង​ប៉ុន្មាន​ថ្ងៃ​ថ្មីៗ​នេះ។ កាល​ពី​ថ្ងៃ​ចន្ទ​ដែរ FIFA និង UEFA បាន​ផ្អាក​ក្រុម​ជម្រើស​ជាតិ និង​ក្លឹប​ទាំងអស់​របស់​រុស្ស៊ី​ពី​ការ​ប្រកួត​បាល់ទាត់​អន្តរជាតិ។

  • ភ្ជាប់ទំនាក់ទំនងជាមួយ SPORTREFRESH