Declan Rice បដិសេធ​សំណើ​កុងត្រា​ថ្មី​នៅ West Ham ទោះឱ្យប្រាក់ឈ្នួលខ្ពស់

ខ្សែ​បម្រើ​ Declan Rice ​​បាន​បដិសេធ​សំណើ​បន្ត​កុងត្រា​ថ្មី​ជាមួយ​ក្លិប​ West Ham ​​ដែល​ផ្តល់​ប្រាក់​ឈ្នួល​ប្រមាណ ២០០,០០០​ផោន​ក្នុង​មួយ​សប្តាហ៍ (ជា​ប្រាក់​ឈ្នួល​ថ្លៃ​ដាច់គេ​នៅ​ក្នុង​ប្រវត្តិសាស្ត្រ​ក្លិប)។

កីឡាករ​ដែល​ក្លិប​ Manchester United និង​ Chelsea ​​កំពុង​ចាប់​អារម្មណ៍​រូប​នេះ​ បាន​ចំណាយ​ពេល​ស្ទើរ​តែ​ពេញ​មួយ​ជីវិត​ទៅ​ហើយ​លេង​ឱ្យ​ West Ham ​​សរុប​បាន ១៨៩​ប្រកួត​ ក្នុង​នោះ​ ៤៤​ប្រកួត​នៅ​រដូវ​កាល​នេះ។ ខ្សែ​បម្រើ​វ័យ​២៣​ឆ្នាំ ​​នៅ​ជាប់​កុងត្រា​ជាមួយ​ញញួរ​យក្ស​ដល់​ឆ្នាំ​២០២៤ ​​​​ហើយ​ក្លិប​ West Ham ​​ចង់​បន្ថែម​កុងត្រា​ច្រើន​ឆ្នាំ​ទៀត ប៉ុន្តែ​ត្រូវ​បាន Rice ​​បដិសេធ​ពីរ​បី​លើក​រួច​មក​ហើយ៕

 

ប្រភព៖ Goal

  • ភ្ជាប់ទំនាក់ទំនងជាមួយ SPORTREFRESH