Kylian Mbappe និយាយថាក្តីសុបិននៃការលេងឱ្យ Real Madrid គឺគ្មានថ្ងៃបញ្ចប់ឡើយ បើទោះបីបានជ្រើសរើសបន្តកិច្ចសន្យាថ្មី និងបន្តនៅ Paris St-Germain។
ខ្សែប្រយុទ្ធជម្រើសជាតិបារាំងវ័យ ២៣ឆ្នាំបានច្រានចោលការផ្លាស់ទៅកាន់ម្ចាស់ជើងឯកអេស្ប៉ាញកាលពីចុងសប្តាហ៍ដើម្បីចុះកិច្ចសន្យាថ្មីរយៈពេល ៣ ឆ្នាំជាមួយ PSG។
Mbappe មិនបានច្រានចោលការផ្ទេរទៅកាន់ Real នៅពេលក្រោយក្នុងអាជីពរបស់គាត់នោះទេ។
រូបគេបាននិយាយថា៖«អ្នកមិនដឹងថាមានអ្វីអាចកើតឡើងនៅពេលអនាគតទេ។ ខ្ញុំបោះបង់ដើម្បីគិតអំពីអនាគត ខ្ញុំគិតតែពីបច្ចុប្បន្ន ហើយបច្ចុប្បន្នគឺខ្ញុំបានចុះកិច្ចសន្យាថ្មីរយៈពេល ៣ ឆ្នាំបន្ថែមទៀតនៅ Paris St-Germain»។
នៅពេលសួរថាតើការចុះហត្ថលេខាលើកិច្ចសន្យាមានន័យថាសុបិនរបស់ Real Madrid ត្រូវបានបញ្ចប់ឬយ៉ាងណា Mbappe បាននិយាយថា៖«មិនដែលចប់ទេ»។
La Liga របស់អេស្ប៉ាញបានប្រតិកម្មយ៉ាងខឹងសម្បារចំពោះព័ត៌មាននេះ ដោយហៅកិច្ចព្រមព្រៀងនេះថារឿងអាស្រូវ។
Mbappe ដែលត្រូវបានគេចាត់ទុកថាជាកីឡាករល្អបំផុតមួយរូបក្នុងពិភពលោក បាននិយាយថា គាត់បាននិយាយជាមួយប្រធានក្លិប Real Madrid លោក Florentino Perez ដោយផ្ទាល់ ដើម្បីប្រាប់គាត់អំពីការសម្រេចចិត្តមុនពេលចុះហត្ថលេខាលើការបន្តកិច្ចសន្យានៅ PSG។
រូបគេបានបន្ថែមថា៖«វាជាសប្តាហ៍មុនដែលខ្ញុំបានធ្វើការសម្រេចចិត្តនៅ។ ជាដំបូង ខ្ញុំបាននិយាយទៅកាន់ប្រធានក្លិប Real Madrid ពីព្រោះខ្ញុំមានការគោរពច្រើនចំពោះគាត់ និងក្លិប។ ខ្ញុំគិតថាវាសំខាន់ក្នុងការនិយាយដោយផ្ទាល់ថាខ្ញុំនឹងមិនទៅ»។
«ដើម្បីក្លាយជាកីឡាករដ៏អស្ចារ្យ [អ្នកត្រូវតែ] ស្មោះត្រង់ ហើយអ្វីគ្រប់យ៉ាងគឺអស្ចារ្យ និងល្អ ពីព្រោះយើងមានទំនាក់ទំនងល្អ»៕
ប្រភព៖ BBC
