កីឡាករ​ដែលលេងនៅ ៣តំបន់នេះ ដែល Ten Hag ត្រូវការទិញជាបន្ទាន់

ខ្សែបម្រើការពារ (defensive midfield), ខ្សែការពារកណ្ដាល (central defence) និងខ្សែប្រយុទ្ធកណ្ដាល (centre forward) គឺជាតំបន់ ៣ ដែលលោក Erik ten Hag ត្រូវពង្រឹងជាបន្ទាន់ ក្រោយចូលកាន់តំណែងជាអ្នកចាត់ការក្រុម Manchester United។

បច្ចុប្បន្ន ក្លឹបបិសាចក្រហម​កំពុង​ចាប់អារម្មណ៍ Frenkie de Jong របស់ Barcelona, Pau Torres របស់ Villarreal, Ruben Neves របស់ Wolves និង Jurrien Timber នៅ Ajax។ យ៉ាងណាក្ដី United នឹងប្រុងប្រយ័ត្នបំផុត​ក្នុងការទិញដូរកីឡាករ ទោះបីក្លឹបទទួលបាន​ប្រាក់ចំណូល​កើនឡើង​ដល់ទៅ ២៩% ក្នុងត្រីមាស​នេះក៏ដោយ។

​បន្ថែមលើនេះ តាមការចុះផ្សាយរបស់ The Daily Telegraph បានឲ្យដឹងថា បិសាចក្រហមបានចាប់ផ្ដើម​គោលការណ៍ថ្មីផងដែរ ជុំវិញការទិញដូរកីឡាករ ពោលគឺនឹងមាន​ការត្រួតពិនិត្យ​មើល​យ៉ាងស៊ីជម្រៅ ទៅលើ​កីឡាករនីមួយៗ ទាំងអត្តចរិត និងប្រវត្តិនាពេលកន្លងមក។ លោក Ten Hag បានជួបជាមួយ​នាយកផ្នែកដោះដូរកីឡាកររបស់ក្លឹប ហើយបានធ្វើការជាមួយគ្នា​ដើម្បីកសាង​ក្លឹបឲ្យក្លាយជាក្លឹបឈ្នះពានឡើងវិញ ទាំងនៅក្នុងស្រុក និងនៅតំបន់អឺរ៉ុប។

អ្នកចាត់ការ​សញ្ជាតិហូឡង់ បាន​ធ្វើ​ឲ្យប្រាកដពីតម្រូវការរបស់ខ្លួន ពោលគឺរាល់ការ​ទិញកីឡាករ​ថ្មី អាចដំណើរការទៅបាន លុះត្រា​តែមានលោក Ten Hag និង​លោក John Murtough នាយកផ្នែកបាល់ទាត់របស់​ក្លឹប យល់ព្រម៕

  • ភ្ជាប់ទំនាក់ទំនងជាមួយ SPORTREFRESH