Messi ប្រាប់ថា​ Ballon d’Or ឆ្នាំនេះ រកអ្នកឈ្នះឃើញហើយ

Lionel Messi បានបញ្ជាក់ថា​ Ballon d’Or ឆ្នាំនេះ គឺច្បាស់ណាស់ថានឹងបានទៅ Karim Benzema។ ខ្សែប្រយុទ្ធ​របស់ PSG បានថ្លែងយ៉ាងដូច្នេះ តាមរយៈ​ទូរទស្សន៍​អាហ្សង់ទីន TyC Sports។

Messi បាននិយាយថា៖ “ច្បាស់ណាស់​ថា​ Benzema មានសមិទ្ធផល​ដ៏ល្អបំផុតនាឆ្នាំនេះ ដោយដើរតួយ៉ាងសំខាន់​តាំងពីវគ្គ ១៦ក្រុមចុងក្រោយ រហូត​ជួយ​ឲ្យ​ក្លឹបឈ្នះ Champions League”។

គួររំលឹកផងដែរថា កាលពីឆ្នាំ២០២០ កីឡាករអន្តរជាតិអាហ្សង់ទីនរូបនេះ ក៏អះអាងថា Lewandowski សក្ដិសម​នឹងឈ្នះ Ballon d’Or ដែរ ប៉ុន្តែការ​ប្រកាស​អ្នកឈ្នះ ត្រូវបានលុបចោលវិញដោយសារ​កូវីដ។ ហើយ១ឆ្នាំបន្ទាប់ ពានរង្វាន់នេះ ក៏បានទៅ Messi។

រង់ចាំមើលទាំងអស់គ្នា ថាតើ Benzema ពិតជាឈ្នះដូចការ​លើកឡើងរបស់ Messi ដែរឬយ៉ាងណា? ក្នុងការបង្ហាញខ្លួន ៤៦ប្រកួត​រដូវកាលនេះ Benzema ស៊ុតបាន ៤៤គ្រាប់ ជួយឲ្យ Real Madrid ឈ្នះ Champions League និង La Liga៕

  • អត្ថ​បទ​ទាក់​ទង

    ភ្ជាប់ទំនាក់ទំនងជាមួយ SPORTREFRESH