Harry Kane ​​ប្រាប់​ Spurs ​​ថា​ចង់​ចាក​ចេញ​ពី​ក្លិប​​ នៅ​ចប់​រដូវ​កាល​នេះ

Harry Kane ​​ខ្សែ​ប្រយុទ្ធ​ក្រុម​ជម្រើស​ជាតិ​អង់គ្លេស ​​បាន​ប្រាប់​ដល់​ក្លិប​ Tottenham Hotspur ​​ថា​ខ្លួន​ចង់​ចាក​ចេញ នៅ​ចប់​រដូវ​កាល​នេះ​ហើយ។

កីឡាករ​វ័យ​២៧​ឆ្នាំ​ បាន​ខក​ចិត្ត​​​ជាមួយ​ Spurs ​​ដែល​មិន​អាច​​ប្រកួត​ប្រជែង​នៅ​កម្រិត​ខ្ពស់​បំផុត​បាន ដូច​ជា​ការ​ប្រជែង​ពាន​ Premier League ​​​ហើយ​ថែម​ទាំង​​អស់​កៅអី​ទៅ​លេង​ UEFA Champions League នៅ​រដូវ​កាល​ក្រោយ​ទៀត។ លោក​ Daniel Levy ​​ប្រធាន​ក្លិប​ Spurs ​​នឹង​កំណត់​ថ្លៃ​លក់​តារា​ឆ្នើម​រូប​នេះ​​​ខ្ពស់​បំផុតមួយ​ ដោយសារ​កិច្ចសន្យា​របស់​គេ​​ត្រូវ​ចប់​ដល់​ឆ្នាំ​២០២៤ ខណៈ​ដែល​ពេល​នេះ​ Manchester United, Manchester City និង​ Chelsea ​​កំពុង​ប្រជែង​គ្នា​ចង់​បាន។

​​Kane ​​ស៊ុត​បាន ២២​គ្រាប់​នៅ​ Premier League ​​រដូវ​កាល​នេះ​ ​​ដែល​ជា​ចំនួន​ខ្ពស់​ជាង​គេ​បំផុត​ស្មើ​នឹង​ Mohamed Salah ​​របស់​ក្រុម​ Liverpool។ ជាង​នោះ​ទៅ​ទៀត ​​កីឡាករ​រូប​នេះ​ ស៊ុត​សរុប​បាន ៣២​គ្រាប់​ និង​បញ្ជូន​ឲ្យ​មិត្ត​រួម​ក្រុម​ស៊ុត​ (Assist) ​​បាន ១៦​ដង ក្នុង​ការ​បង្ហាញ​ខ្លួន​ ៤៧​ប្រកួត​ ​ឲ្យ​ Spurs គ្រប់​​កម្ម​វិធីប្រកួត​រដូវ​កាល​នេះ ដែល​ធ្វើ​ឲ្យ​គេ​ស្ថិត​ក្នុង​ចំណាត់​ថ្នាក់​ ចំណោម​ខ្សែ​ប្រយុទ្ធ​​ល្អ​បំផុត​​​របស់​ពិភពលោក​ផង​ដែរ៕

ប្រភព៖ Goal

  • អត្ថ​បទ​ទាក់​ទង

    ភ្ជាប់ទំនាក់ទំនងជាមួយ SPORTREFRESH