Man City ​ដេញ​ថ្លៃ​​​ខ្សែ​ប្រយុទ្ធ Harry Kane ​​ជាផ្លូវការ​ហើយ

ក្លិប​ Manchester City ​​បាន​ចាប់​ផ្តើម​ដេញ​ថ្លៃ​លើ​ខ្សែ​ប្រយុទ្ធ Harry Kane ​​របស់​ក្លិប​ Tottenham Hotspur ​​ជា​ផ្លូវការ​ ១០០% ហើយ។ នេះ​បើ​តាម​​ប្រភព​គួរ​ឲ្យ​ជឿ​ទុក​ចិត្ត​មួយ។

កីឡាករ​ជម្រើស​ជាតិ​អង់គ្លេស Kane ​​គឺជា​គោលដៅ​ដ៏​ធំ​បំផុត​មួយ​របស់​ Man City ​​សម្រាប់​រដូ​វកាល​ថ្មី​ខាង​មុខ​នេះ។ ​បើ​តាម​លោក​ Fabrizio Romano ​​ដែល​ជា​អ្នកសារព័ត៌មាន​អង់គ្លេស​​​​ម្នាក់ ឲ្យ​​ដឹង​ថា ១០០% Man City ​​បាន​ដាក់​សំណើ​ដេញ​ថ្លៃ​ Harry Kane ​ហើយ ​ដោយ​មេឃ​ខៀវ​ឲ្យ​ថ្លៃ​សរុប​ ១០០​លាន​ផោន។

យ៉ាងណាក្តី ​លោក​បញ្ជាក់​បន្ថែម​ថា Tottenham Hotspur នៅ​តែ​ប្រកាន់​ជំហរ​ដដែល​គឺ Kane មិន​មែន​សម្រាប់​លក់​នោះ​ទេ។ Kane ពេល​នេះ​កំពុង​ជាប់​ភារកិច្ច​ជាមួយ​ក្រុម​ជម្រើស​ជាតិ​អង់គ្លេស ​ដូច្នេះ​រូប​គេ​មិន​អាច​ចរចា​លក្ខខ័ណ្ឌ​ផ្ទាល់​ខ្លួន​ជាមួយ​ Man City ​​បាន​នោះ​ទេ ដូច្នេះ​រឿង​រ៉ាវ​នៃ​​ការ​ផ្ទេរ​នេះ​ នឹង​មាន​បន្ថែម​នៅ​ពេល​បញ្ចប់​ព្រឹត្តិការណ៍​ Euro 2020៕

ប្រភព៖ si.com

  • អត្ថ​បទ​ទាក់​ទង

    ភ្ជាប់ទំនាក់ទំនងជាមួយ SPORTREFRESH