ទីបំផុត ម៉ឺន មេឃា ជាជើងឯក តែអ្នកគាំទ្រឃើញលទ្ធផលរៀងៗខ្លួន

ការ​ប្រកួត​ដណ្តើម​ខ្សែ​ក្រវាត់​គោជល់​រដូវ​កាល​ចុង​ក្រោយ​នេះ​បាន​បញ្ចប់​​ទៅ​ហើយ​កាល​ពី​ថ្ងៃ​សៅរ៍ ទី​២៦ ខែ​មិថុនា ដោយ​ជើង​ខ្លាំង ម៉ឺន មេឃា បាន​ក្លាយ​ជា​ជើង​ឯក បន្ទាប់​ពី​ឈ្នះ​ពិន្ទុ​ ឈុត សេរីវ៉ាន់ថង។
(ម៉ឺន មេឃា ក្រោយ​ប្រកាស​លទ្ធផល)

ទោះ​បី​ជា​យ៉ាង​ណា ការ​​ផ្តល់​ពិន្ទុ​ឲ្យ ម៉ឺន មេឃា ឈ្នះ ឈុត សេរីវ៉ាន់ថង បាន​ធ្វើ​ឲ្យ​អ្នក​គាំទ្រ​ដែល​ស្រឡាញ់​កីឡាករ​រៀង​ៗខ្លួន ឬ​ការ​យល់​ឃើញ​ការ​ប្រកួត​លើ​សង្វៀន​​រៀង​ៗ​ខ្លួន​មិន​ពេញ​ចិត្ត​ទេ។ នៅ​តាម​បណ្តាញ​ទំនាក់​ទំនង​សង្គម​ប្រហែល​ជា​ពីរ​ថ្ងៃ​ចុង​ក្រោយ​នេះ​មាន​រិះ​គន់​ខ្លាំង​ពាក់​ព័ន្ធ​នឹង​លទ្ធផល ក្នុង​នោះ​មិន​ត្រឹម​តែ​​​អ្នក​​គាំទ្រ​ប៉ុណ្ណោះ មាន​ទាំង​អតីត​កីឡាករ និង​អ្នក​ជំនាញ​ផ្នែក​កីឡា​ប្រដាល់​ទៀត​ផង​។
(ឈុត សេរីវ៉ាន់ថង ក្រោយ​ដឹង​លទ្ធផល)

ការ​ពិត​៥​ទឹក​​នៅ​លើ​សង្វៀនបង្ហាញ​ឲ្យ​ឃើញ​មាន​ចំណុច​ពិសេស​​រៀង​ៗ​ខ្លួន​របស់​កីឡាករ​ទាំង​ពីរ។ ឈុត សេរីវ៉ាន់ម៉ា ឡើង​សង្វៀន​លើក​នេះ​ពេញ​ដោយ​កម្លាំង​ថាមពល និង​កម្លាំង​ចិត្ត។ របៀប​នៃ​ការ​វ៉ៃ​មុះ​មុត អង់អាច និង​ក្លាហាន​ជាង​មុន​ដែល​ផ្ទុយ​ពី​ទម្លាប់​របស់​គេ​កន្លង​មក​​ដែល​ព្យាយាម​ថយ​ក្រោយ ការពារ និង​វ៉ៃ​សង។
(ការ​ប្រគល់​រង្វាន់)

ជា​មួយ​ស្មារតី​ប្រយុទ្ធ​ពោរពេញ​ជំនឿ​ចិត្ត​នេះ សេរីវ៉ាន់ថង ក៏​បាន​ចេញ​អាវុធ​បាន​ល្អ​ដែល​ធ្វើ​ឲ្យ​អ្នក​គាំទ្រ​ពេញ​ចិត្ត​ច្រើន​ចំពោះ​របៀប​វ៉ៃ​ថ្មី។ យ៉ាង​ណា​អាច​និយាយ​ថា អាវុធ​ចេញ​ច្រើន ប៉ុន្តែ​មិន​ប្រាកដ​ថា ត្រូវ​ចំគោល​ទាំង​អស់​នោះ​ដែរ។
(ការ​ប្រគល់​រង្វាន់)
ចំណែក ម៉ឺន មេឃា ​ដែល​​ធ្លាប់ សេរីវ៉ាន់​ថង កាល​នៅ​ក្នុង​វគ្គ​សន្សំ​ពិន្ទុ បាន​ព្យាយាម​ការពារ និង​វ៉ៃ​សង​វិញ​រៀង​ច្បាស់​​កណ្តាប់​ដៃ ព្រម​ជា​មួយ​នឹង​ទាត់។​ ប្រការ​វ៉ៃ​ចំ​គោល​ដៅ​ និង​ច្បាស់​ជាង​អាច​កត្តា​ចម្បង​ដែល​ចៅ​ក្រម​កាត់​សេចក្តី​ឲ្យ​ឈ្នះ។
(ការ​ប្រគល់​រង្វាន់)

ទោះ​បី​ជា​យ៉ាង​ណា មេឃា ហាក់​ដូច​ជា​ចាញ់​ប្រៀប​ខាង​ជង្គង់ និង​ស្មារតី​ប្រយុទ្ធ​ថយ​ក្រោយតិច​តួច​ និង​ការពារ​ច្រើន។ ការ​វ៉ៃ​សង​នេះ​ហើយ​ដែល​ធ្វើ​ឲ្យ​រូប​គេ​រក​ពិន្ទុ​បាន​នៅ​ពេល​ដៃ​គូ​ភ្លេច​ការពារ​ដោយសារព្យាយាម​វ៉ៃ​សម្រុក។
ជា​រួម​គ្នា​នេះ អ្នក​ទាំង​ពីរ​ធ្វើ​បាន​ល្អ​ដូច​គ្នា និង​ដើម្បី​ប្រដាល់​គុន​ខ្មែរ​ទាំង​អស់​គ្នា។

សម្រាប់​ជ័យជម្នះ​នេះ ម៉ឺន មេឃា ទទួល​បាន​ខ្សែ​ក្រវាត់ និង​ប្រាក់​រង្វាន់​៥​ពាន់​ដុល្លារ​អាមេរិក ហើយ​មាន​កាតព្វកិច្ច​បន្ត​ទៅ​ប្រកួត​ដណ្តើម​ខ្សែ​ក្រវាត់​ដែល​មាន​ប្រាក់​រង្វាន់​៥​ពាន់​ដុល្លារ​​អាមេរិក​ជា​មួយ ឃីម បូរ៉ា ដែល​រូប​គេ​ធ្លាប់​ចាញ់​វគ្គ​ផ្តាច់​ព្រ័ត្រ​ដណ្តើម​ខ្សែ​ក្រវាត់​ម្តង​ហើយ។

ជើង​ឯក​ប៉ះ​ជើង​ឯក អ្នក​ឈ្នះ​នឹង​ក្លាយ​ជា​កំពូល​ជើង​ឯក។ ចំមើល ម៉ឺន មេឃា អាច​យក​ឈ្នះ​ ឃីម បូរ៉ា តារា​ប្រដាល់កម្រ​ចាញ់​តេ?
(ការ​ប្រគល់​រង្វាន់)
អត្ថបទ៖ SR

  • អត្ថ​បទ​ទាក់​ទង

    ភ្ជាប់ទំនាក់ទំនងជាមួយ SPORTREFRESH