ប៉ុន្មាន​សន្លឹក​ពីពហុ​កីឡដ្ឋាន​ស្តង់ដារ​អន្តរជាតិ​លើទឹក​ដីខ្មែរ​ពិត​ជា​ស្អាត​ណាស់

ប៉ុន្មានសន្លឹកពីពហុកីឡដ្ឋានស្តង់ដារអន្តរជាតិលើទឹកដីខ្មែរពិតជាស្អាតណាស់

កីឡាផ្សេងៗ

អង្គារ ២៩ មិថុនា ២០២១

ពហុកីឡដ្ឋានជាតិមរតកតេជោត្រូវបានកសាងជិតរួចរាល់ជាស្ថាពរហើយពោលគឺប្រមាណ៩៨%ហើយដែលនៅសេសសល់តិចតូច និងតុបតែងលំអបន្ថែមប៉ុណ្ណោះ។

រូបភាពប៉ុន្មានសន្លឹកបានបង្ហាញដែលសាងសងជិតរួចពិតជាស្អាតណាស់។ ពហុកីឡដ្ឋានស្តង់ដារអន្តរជាតិលើទឹកដីកម្ពុជាដ៏បវរនេះគឺដើម្បីបើកព្រឹត្តិការណ៍កីឡាស៊ីហ្គេមឆ្នាំ២០២៣ជាប្រវត្តិសាស្ត្រលើកដំបូងរបស់កម្ពុជា។

ជាមួយគ្នានេះ កម្ពុជាក៏កំពុងកំពុងសម្រិយសម្រាំងយ៉ាងយកចិត្តទុកដាក់សម្រាប់ទីកន្លែងរៀបចំការប្រកួតទាំងកីឡដ្ឋាន ទីលាន កន្លែងស្នាក់នៅក្នុងរាជធានីភ្នំពេញ និងតាមខេត្តមួយចំនួន។

អ្វីដែលគួរឲ្យកត់សំគាល់បំផុតនោះគឺ ពហុកីឡដ្ឋានជាតិមរតកតេជោ ដែលត្រូវបានចាត់ទុកជាសមិទ្ធផលកីឡាដ៏អស្ចារ្យបំផុតនៅក្នុងប្រទេសកម្ពុជា ក៏ដូជាក្នុងបណ្តាប្រទេសអាស៊ានដែលបានកំពុងកសាងជិតរួចរាល់ហើយ។

ពហុកីឡដ្ឋានថ្មីសម្រាប់កម្ពុជាត្រៀមធ្វើម្ចាស់មានបែបផែន និងទម្រង់មើលពីក្រៅពិសេសប្លែកដាច់ពីគេ បូករួមទាំងកម្រិតស្តង់ដារ និងអាចផ្ទុកអ្នកទស្សនាជាង៥ម៉ឹននាក់។ សមិទ្ធផលកីឡាថ្មីសន្លាងនេះគ្រោងនឹងបញ្ចប់រួចរាល់ពាក់កណ្តាលឆ្នាំ២០២១នេះ ហើយវានឹងក្លាយជាវេទិកាសំខាន់សម្រាប់ពិធីបើក និងបិទនៅចំពោះមុខគណប្រតិភូកីឡាមកពី១១ប្រទេស ក៏ដូចជាផ្សព្វផ្សាយទៅកាន់ពិភពលោក។

តាមការឲ្យដឹងពីគណកម្មាធិការជាតិអូឡាំពិកកម្ពុជាថា ខេត្តចំនួន៣គឺ សៀមរាប ខេត្តព្រះសីហនុ និងខេត្តកែបត្រូវបានជ្រើសរើសធ្វើជាទីតាំងប្រកួតកីឡាស៊ីហ្គេមឆ្នាំ២០២៣។

ក្រៅពីខេត្ត រាជធានីភ្នំពេញជាកន្លែងសំខាន់សម្រាប់រៀបចំគឺពហកីឡដ្ឋានជាតិមរតកតេជោ ពហុកីឡដ្ឋានជាតិអូឡាំពិក សាលពិពណ៌អន្ដរជាតិជ្រោយចង្វារ ផ្សារទំនើបអ៊ីអនសែនសុខ និងសាកលវិទ្យាល័យភូមិន្ទភ្នំពេញសម្រាប់កីឡាក្នុងសាល និងក្រៅសាលនៃកីឡាអាស៊ីអាគ្នេយ៍ឆ្នាំ២០២៣ ដែលកម្ពុជាជាម្ចាស់ផ្ទះ៕