សោក​​ស្តាយ​ កូវីដ​-១៩ បង្ខំ​ឲ្យ​វៀតណាម​លើក​ស៊ី​ហ្គេម​ទៅ​ឆ្នាំ​២០២២​

ម្ចាស់​ផ្ទះ វៀតណាម​បាន​សម្រេច​លើក​ព្រឹត្តិការណ៍​កីឡា​ស៊ីហ្គេម​​ឆ្នាំ​២០២១​នេះ​ទៅ​​ឆ្នាំ​២០២២​ហើយ បន្ទាប់​ពីបាន​ដាក់​សំណើរ​ពន្យា​ទៅ​កាន់​ប្រទេស​ជា​សមាជិក​អាស៊ាន​កាល​ពី​ខែ​មុន។

យោង​តាម​គណៈកម្មាធិការ​ជាតិ​អូឡាំពិក​កម្ពុជា​បាន​ឲ្យ​ដឹង​ថា ​លទ្ធផល​​នៃ​កិច្ចប្រជុំ​ក្រុមប្រឹក្សា​កីឡា​អាស៊ីអាគ្នេយ៍​ តាម​​ Zoom បញ្ចប់នាម៉ោង៣រសៀល ថ្ងៃទី៨ ខែកក្កដា ឆ្នាំ២០២១ ដោយមាន២ចំណុចសំខាន់ៗ រួមមាន​៖ ១-SEA Games នៅវៀតណាម​មិន​រៀប​ចំ​ ឆ្នាំ២០២១​ នេះ​ទេ​ ដោយ​ការឯក​ភាពជា​ឯកច្ឆ័ន។

២-SEA Games នៅវៀតណាម​ ឯក​ភាព​គ្នា​ចំនួន​១០ប្រទេស​ រួម​ទាំង​ម្ចាស់​ផ្ទះ​អូឡាំពិក​វៀតណាម​ បាន​លើក​​ទៅ​ចុង​ខែ​មេ​សា ដល់ដើមខែឧសភា ឆ្នាំ២០២២ ប៉ុន្តែអូឡាំពិកវៀតណាមត្រូវស្នើសុំអនុម័ត និងកំណត់ថ្ងៃឲ្យបានច្បាស់លាស់ពីរដ្ឋាភិបាលរបស់ខ្លួន ក្នុងពេលឆាប់ៗនេះ។

ប្រទេស​វៀតណាម​ប្រហែល​ជា​ជិត​ពីរ​ខែ​ចុង​ក្រោយ​នេះរង​ការ​វាយ​លុក​យ៉ាង​ខ្លាំង​ពី​ជំងឺ​កូវីដ-១៩ ប៉ុន្តែ​ប្រៀប​ធៀប​ជា​មួយ​នឹង​ប្រទេស​អាស៊ាន​មួយ​ចំនួន​គឺ​ស្រាល​ជាង។ ប៉ុន្តែ​វៀតណាម​អាច​នឹង​ឈាន​ទៅ​រក​កាន់​តែ​ធ្ងន់​ធ្ងរ ខណៈ​ទី​ក្រុង​ហូជីមិញ​មាន​សេចក្តី​រាយការណ៍​ថា កូវីដបាន​រាល​ដាល​ពេញ​ទី​ក្រុង​ហើយ សូម្បី​តែ​ពន្ធនាគារ​ក៏​ឆ្លង​ដែរ៕

  • ភ្ជាប់ទំនាក់ទំនងជាមួយ SPORTREFRESH