Kane ​​ថា​ចាញ់​វគ្គ​ផ្តាច់ព្រ័ត្រ​ Euro ​​នឹង​ធ្វើ​ឲ្យ​កីឡាករ​ឈឺចាប់​​ពេញ​មួយ​ជីវិត

Harry Kane ​​ប្រធាន​ក្រុម​ជម្រើស​ជាតិ​អង់គ្លេស បាន​លើក​ឡើង​ថា ​​ការ​ដែល​ចាញ់​​បាល់​ប៉េណាល់ទី​កាត់សេចក្តី​នៅ​វគ្គ​ផ្តាច់ព្រ័ត្រ នឹង​ធ្វើ​ឲ្យ​កីឡាករ​ទាំង​អស់​ឈឺចាប់​​មួយ​​ជីវិត​ ក្នុង​នាម​ជា​កីឡាករ បន្ទាប់​ពី​ពួកគេ​ចាញ់​អ៊ីតាលី ​​ធ្វើ​ឲ្យ​បាត់​ឱកាស​ឈ្នះ​ពាន​​ជា​លើក​ដំបូង គិត​តាំង​ពី​ឆ្នាំ​១៩៦៦ មក។

ខ្សែ​ប្រយុទ្ធ​របស់​ក្លិប​ Tottenham Hotspur ​បាន​ប្រាប់​ដល់​ BBC One ថា៖ “ខ្ញុំ​មិន​អាច​ផ្តល់​នូវ​អ្វី​ច្រើន​ជាង​នេះ។​គ្រប់​គ្នា​​ក៏​មិន​អាច​ផ្តល់​អ្វី​ជាង​នេះ។ បរាជ័យ​ប៉េណាល់ទី គឺជា​អារម្មណ៍​ដ៏​យ៉ាប់យ៉ឺន​បំផុត​នៅ​លើ​ពិភពលោក។ វា​មិនមែន​ជា​យប់​របស់​យើង​ ប៉ុន្តែ​វា​ជា​ព្រឹត្តិការណ៍​ដ៏​អស្ចារ្យ ហើយ​យើង​គួរ​តែ​​តាំង​ស្មារតី​ឡើង​វិញ”។

“ប្រាកដ​ណាស់ ​​វា​នឹង​ធ្វើ​ឲ្យ​យើង​ឈឺចាប់​នៅ​ពេល​នេះ។ វា​នឹង​ឈឺចាប់​មួយ​រយៈពេល ប៉ុន្តែ​យើង​កំពុង​ដើរ​លើ​ផ្លូវ​វិជ្ជមាន និង​កំពុង​អភិវឌ្ឍន៍​ទៅ​មុខ។ សង្ឃឹម​ថា​​​យើង​នឹង​បន្ត​ដំណើរ​កាន់​តែ​ប្រសើរ​​ចាប់​ពី​ឆ្នាំ​ក្រោយ​ត​ទៅ។ យើង​គួរ​តែ​មាន​មោទនភាព​សម្រាប់​ក្រុម​របស់​យើង នូវ​អ្វី​ដែល​ពួក​យើង​សម្រេច​បាន។ យើង​ទាំង​អស់​គ្នា​សុទ្ធ​តែ​ចង់​ឈ្នះ ដូច្នេះ​វា​នឹង​ធ្វើ​ឲ្យ​យើង​ឈឺចាប់​​ពេញ​មួយ​ជីវិត​ជា​កីឡាករ​ ប៉ុន្តែ​​នេះ​ជា​បាល់ទាត់”។ Kane ​​បាន​បញ្ជាក់៕

ប្រភព៖ Goal

  • អត្ថ​បទ​ទាក់​ទង

    ភ្ជាប់ទំនាក់ទំនងជាមួយ SPORTREFRESH