Liverpool ​​រំពឹង​ទិញ​បាន ​Saul ​​ដោយ​គ្រោង​​ដេញ​ថ្លៃ​ដល់​ ៤១​លាន​ផោន

ហង្ស​ក្រហម Liverpool ​​រំពឹង​​​​​​ថា​នឹង​អាច​ទិញ​បាន​ខ្សែ​បម្រើ​ Saul Niguez ​​ក្នុង​ពេល​ឆាប់ៗ បន្ទាប់​ពី​ពួកគេ​គ្រោង​ដេញ​ថ្លៃ​ដល់​ប្រមាណ ​​៤១​លាន​ផោន​ (៥០​លាន​អឺរ៉ូ)។ នេះ​បើ​តាម​ AS។

សារព័ត៌មាន​អេស្ប៉ាញ AS ​​បាន​ចុះ​ផ្សាយ​កាល​ពី​ថ្ងៃ​ចន្ទ​ថា Liverpool ​​កំពុង​ត្រៀម​ដេញ​ថ្លៃ​ Saul ​​ក្នុង​តម្លៃ ​​៤១​លាន​ផោន។ តម្លៃ​​នេះ​​ ធ្វើ​ឲ្យ​គេ​ជឿ​ថា​ការ​ផ្ទេរ​នឹង​អាច​ទៅ​រួច​ ​ខណៈ​ដែល​ Atletico Madrid ​​បាន​កំណត់​តម្លៃ​លក់​ប្រមាណ ៤៣​លាន​ផោន។ ដូច្នេះ​​​ក្លិប​ទាំង​ពីរ​នឹង​​ចរចា​​​​តម្លៃ​គ្នា​បន្ថែម​បន្តិច​ ដើម្បី​រក​ចំណុច​ព្រមព្រៀង​រួម​មួយ។

អ្នកចាត់ការ​ Jurgen Klopp ​របស់​ Liverpool ​​មាន​បំណង​បន្ថែម​ខ្សែ​បម្រើ​​ បន្ទាប់ពី Georgino Wijnaldum ចាក​ចេញ​ទៅ​ Paris Saint-Germain។ កីឡាករ​វ័យ​២៦​ឆ្នាំ Saul ជា​កីឡាករ​លំដាប់​កំពូល​ម្នាក់ (Top-Class) ​​របស់​ក្រុម​ Atletico Madrid ​​ប៉ុន្មាន​ឆ្នាំ​ចុង​ក្រោយ​នេះ ដោយ​បាន​ឈ្នះ​ La Liga ​​១​ដង, Copa del Rey ១​ដង និង​ UEFA Europa League ​​​​២​ដង៕

ប្រភព៖ Sportslens

  • ភ្ជាប់ទំនាក់ទំនងជាមួយ SPORTREFRESH