ក្រុមបាល់ទាត់កំពូលៗនៅអាស៊ាន​ចូលរួមប្រកួត​ជើងឯក eFootball លើកដំបូង

ក្លឹបបាល់ទាត់​កំពូល​ៗ​​នៅ​​បណ្តាល​ប្រទេស​អាស៊ី​អាគ្នេយ៍​មកពី​៧​ប្រទេស​នឹង​ចូល​រួម​ប្រកទកីឡា​បាល់ទាត់​​អេឡិចត្រូនិក​ប្រចាំ​តំបន់ ជា​លើក​ដំបូង​មិន​ធ្លាប់​មាន​ដែល​នឹង​ចាប់​ផ្តើម​ពី​ថ្ងៃ​ទី​៧​ ខែ​តុលា ខាង​មុខ​នេះ។

ក្លឹប​បាល់ទាត់អាជីព​មក​ពី៧​ប្រទេស​មាន ក្លឹប Johor Darul Ta’zim FC របស់​ម៉ាឡេស៊ី ក្លឹប Persib Bandung​ របស់​ឥណ្ឌូណេស៊ី ក្លឹប Tampines Rovers FC របស់​សិង្ហបុរី ក្លឹប Buriram United FC របស់​ថៃ ក្លឹប Chonburi FC របស់​ថៃ ក្លឹប Nagaworld FC របស់​កម្ពុជា ​ក្លឹប United City FC របស់ហ្វីលីពីន និង​ក្លឹប Ho Chi Minh City FC របស់​វៀតណាម។

ព្រឹត្តិការណ៍​ប្រកួត eFootball PES រដូវ​កាល​២០២១​នឹង​ធ្វើ​បច្ចុប្បន្នភាព​តាម​រយៈ Playstation 4។ ក្រុម​ទាំង​​នឹង​ត្រូវ​ប្រកួត​ប្រជែង​ដើម្បី​គ្រោង​ជើង​ឯក​ដែល​មាន​ប្រាក់​រង្វាន់​សរុប​៩​ពាន់​ដុល្លារ​អាមេរិក។

ចាប់​ផ្តើម​ពី​ងថ្ងៃ​ទី​៩ ខែ​កញ្ញា​សម្រាប់​រយៈ​ពេល​៥​សប្តាហ៍​ជាប់​គ្នា ការ​ប្រកួត​នឹង​ផ្សាយ​ផ្ទាល់​តាម​រយៈ​ផេក​ហ្វេសប៊ុក​ និង​គណនី Youtube ផ្លូវ​ការរបស់ CeF។

ការ​ប្រកួត​នឹង​មាន​ពីរ​ផ្នែក​គឺ​ផ្នែក ELITE និង STAR។ ផ្នែក ELITE ក្រុម​បាល់ទាត់​ដែល​ចូល​រូម​នឹង​តំណាង​​ដោយ​កីឡាករ​អេឡិចត្រូនិក​អាជីព។ ចំណែក ផ្នែក STAR វិញ​គឺ​ចា​តារា​បាល់ទាត់​មក​ពីទូទាំង​តំបន់​ដូច​ជា​កីឡាករ Mohamadou Sumareh (ម៉ាឡេស៊ី), កីឡាករBeckham Putra (ឥណ្ឌូណេស៊ី), កីឡាករ Worachit Kanitsribumphen (ថៃ) និង​កីឡាករ Lam Ti Phong (វៀតណាម)។

ជា​មួយ​គ្នា​នេះ ផ្នែក Elite គឺ​ជា​ការ​ប្រកួត​គោល​សំខាន់ ខណៈ​ផ្នែក​តារា​វិញ​គឺ​មាន​គោល​បំណង​ដើម្បី​ផ្តល់​ភាព​សប្បាយ​រីក​រាយ និង​ទាក់​ទាញ​អ្នក​គាំទ្រ​ទូទាំង​តំបន់។

លោក Yong-Chul Yun នាយក​ប្រតិបត្តិ Champions eFootball មាន​ប្រសាសន៍​ថា ៖«វា​មិន​ភ្ញាក់​ផ្អើល​ទេ​ដែលកីឡា​អេឡិចត្រូនិក និង​ការ​ប្រកួត​ហ្កេម​បាន​ក្លាយ​ផ្នែក​ដ៏​សំខាន់​នៃ​ការ​កម្សាន្ត​។ យើងមាន​មោនភាព​ដែល​នាំ​យក​ព្រឹត្តិការណ៍​ទៅ​កាន់​ពិភព​កីឡា។ ក្នុង​ខ្លឹម​សារ ចក្ខុវិស័យ​របស់​យើង​សម្រាប់ Champions eFootball គឺ​ដើម្បី​ផ្តល់​ឲ្យ​វេទិកា​នេះ​សម្រាប់​ក្លឹប​ល្អ​ៗ​មួយ​ចំនួន​ក្នុង​ពោភព​លោក​ចូល​រួម​ប្រកួត​ប្រជែង​ក្នុង​កម្រិត​ខ្ពស់ ខណៈ​ការទាក់ទាញ​អ្នក​គាំទ្រ​វ័យ​ក្មេង និង​អ្នក​និយម​ចូល​ចិត្ត​កីឡា esports ពី​ទូទាំង​តំបន់»។

លោក Chen Yepern នាយក​ក្លឹប​របស់ Nagaworld FC បាន​ឲ្យ​ដឹង​ថា ៖«ខ្ញុំ​ពិត​ជា​រីក​រាយ​​ដែល​ឃើញ​ក្លឹប​របស់​យើង​ចួល​រួមព្រឹត្តិការណ៍​បាល់ទាត់​អេឡិចត្រូនិកក្នុង​តំបន់​ជា​​​ផ្លូវ​ការ​លើក​ដំបូង​នេះ ក្នុង​នាម​តំណាង​ឲ្យ​ក្លឹប​បាល់ទាត់​កម្ពុជា។ នេះ​​នឹង​កាន់​តែ​ជំរុញ​ពួក​យើង​ឲ្យ​ទំនាក់ទំនង​កីឡា​អេឡិចត្រូនិក​តាម​រយៈ​ការ​អភិវឌ្ឍ​ពាណិជ្ជកម្ម និង​ទី​ផ្សារ​របស់​យើង ហើយ​សង្ឃឹម​ថា វេទិកា​នេះ​អាច​ជួយ​ឲ្យ​យើង​ឲ្យកាន់​តែ​រីក​រាយជា​កីឡា esports នៃ​ក្លឹប​បាល់ទាត់​ប្រពៃណីនៅ​អាស៊ាន។ ខ្ញុំ​សង្ឃឹម​ថា យើង​អាចបង្ហាញ​ពី​​ភាព​ខ្លាំង​របស់​យើង​នៅ​ក្នុង​បាល់ទាត់​អេឡិចត្រូនិកតាម​រយៈ​ព្រឹត្តិការណ៍Champions eFootball»៕

ប្រទេស ក្លឹប
1 ម៉ាឡេស៊ី Johor Darul Ta’zim FC
2 ឥណ្ឌូណេស៊ី Persib Bandung
3 សិង្ហបុរី Tampines Rovers FC
4 ថៃ Buriram United FC
5 ថៃ Chonburi FC
6 កម្ពុជា Nagaworld FC
7 ហ្វីលីពីន United City FC
8 វៀតណាម Ho Chi Minh City FC
  • អត្ថ​បទ​ទាក់​ទង

    ភ្ជាប់ទំនាក់ទំនងជាមួយ SPORTREFRESH