Messi ​​ថា​ខ្លួន​​ចង់​ឈ្នះ​ UEFA Champions League ជាមួយ​ PSG នៅ​រដូ​វកាល​នេះ

Lionel Messi ​​បាន​លើក​ឡើង​ថា ខ្លួន​មាន​គោលដៅ​និង​ក្តីស្រមៃ​ចង់​ឈ្នះ​ពាន​ UEFA Champions League ​​ម្តង​ទៀត​ និង​​ឈ្នះ​ជាមួយ​ក្រុម​ Paris St-Germain ​នៅ​រដូ​វកាល​នេះ។

ប្រធាន​ក្រុម​ជម្រើស​ជាតិ​អាហ្សង់ទីន វ័យ​៣៤​ឆ្នាំ​ បាន​ឈ្នះ​ពាន​ UEFA Champions League ​​​​៤​ដង​​មក​ហើយ​ជាមួយ​ក្រុម​ FC Barcelona ​​និង​ឈ្នះ​ជា​លើក​ចុង​ក្រោយ​ កាល​ឆ្នាំ​២០១៥។ រី​ឯ​ក្រុម PSG ​​​កំពុង​តែ​បន្ត​ស្វែង​រក​ពាន UEFA Champions League ​​នេះ ជា​លើក​ដំបូង​ក្នុង​ប្រវត្តិសាស្ត្រ​ក្លិប​ ​បន្ទាប់ពី​ចាញ់​ Bayern Munich ​​វគ្គ​ផ្តាច់ព្រ័ត្រ​ កាល​ឆ្នាំ​២០២០។

Messi ​បាន​និយាយ​ក្នុង​នាម​ជា​កីឡាករ​ PSG ​ថា៖ “គោលដៅ​របស់​ខ្ញុំ និង​ក្តី​ស្រមៃ​របស់​ខ្ញុំ​គឺ​ចង់​ឈ្នះ​ចង់​ពាន UEFA Champions League ​​ម្តង​ទៀត។ ខ្ញុំ​គិត​ថា​ យើង​មាន​​ក្រុម​កីឡាករ​ដែល​អាច​ធ្វើ​វា​បាន​នៅ​ទីនេះ។ ខ្ញុំ​គិត​ថា ក្លិប​នេះ​បាន​ត្រៀម​ខ្លួន​រួច​រាល់​ហើយ​ ដើម្បី​ប្រយុទ្ធ​គ្រប់​ពាន​រង្វាន់​ទាំង​អស់។ នេះ​ជា​គោល​បំណង​របស់​ខ្ញុំ គឺ​ខ្ញុំ​ចង់​បន្ត​អភិវឌ្ឍ​ខ្លួន​ និង​ចង់​រក្សា​ការ​ឈ្នះ​ពាន​រង្វាន់ ហើយ​នេះ​ជា​មូលហេតុ​ខ្ញុំ​ផ្ទេរ​មក​ក្លិប​នេះ”៕

ប្រភព៖ BBC

  • ភ្ជាប់ទំនាក់ទំនងជាមួយ SPORTREFRESH