គ្រូពេទ្យណែនាំឱ្យ​ Pique សម្រាក​ពី​ការ​ប្រកួត​ ពេល​ប៉ះ​ Athletic Club

ស្រប​ពេល​ដែល​ Barcelona កំពុង​ផ្តោត​អារម្មណ៍​លើ​ការ​ប្រកួត​ La Liga ​​បន្ទាប់​ ដែល​ត្រូវ​ប៉ះ​ Athletic Club ​​នោះ​ ពួកគេ​​​​​ប្រហែល​ជា​ត្រូវ​គ្មាន​ខ្សែ​ការពារ​ឆ្នើម​ Gerard Pique ​​​​បន្ទាប់​ពី​កីឡាករ​រូប​នេះ​ មាន​បញ្ហា​ខ្លះៗ​ ​ក្រោយ​ការ​ប្រកួត​បើក​ឆាក​ឈ្នះ​លើ​ Real Sociedad។

អំឡុង​ការ​ប្រកួត​នោះ Pique ​​បាន​ចាក​ចេញ​ពី​​ទីលាន​​ជាមួយ​នឹង​ការ​ឈឺចាប់​កំភួន​ជើង។ ក្រុម​វេជ្ជបណ្ឌិត​​ប្រចាំ​ក្លិប​ បាន​ផ្តល់​ជា​អនុសាសន៍​ណែនាំ​ថា កីឡាករ​វ័យ​៣៤​ឆ្នាំ​ គួរ​តែ​សម្រាក​ពី​ការ​ប្រកួត​ចុង​សប្តាហ៍​នេះ​ ​និង​ផ្តោត​លើ​ការ​ព្យាបាល​ឱ្យ​ជា​សះស្បើយ​ ១០០%​សិន។

គួរ​រំលឹក​ថា Pique ​​បាន​អវត្តមាន​ជា​ច្រើន​ប្រកួត​កាល​រដូវ​កាល​២០២០-២០២១ ដោយសារ​បញ្ហា​របួស។ ដូច្នេះ​ការ​សម្រាក​​​ឱ្យ​ជា​​សិន គឺជា​ជម្រើស​ល្អ​បំផុត ជៀស​វាង​មាន​បញ្ហា​កាន់​តែ​ខ្លាំង។ អ្នកចាត់ការ​ Ronald Koeman ​​​អាច​នឹង​ជ្រើស​រើស​កីឡាករ​ម្នាក់​ក្នុង​ចំណោម​ Ronald Araujo, Clement Lenglet និង​ Eric Garcia ដើម្បី​ជំនួស​តំណែង​នេះ​បណ្តោះ​អាសន្ន៕

ប្រភព៖ Marca

  • ភ្ជាប់ទំនាក់ទំនងជាមួយ SPORTREFRESH